Mánudaginn 23. ágúst var haldin uppskeruhátið sumarlesturs Bókasafnsins á Ísafirði. Þetta var fjórða sumarið sem sumarlestur fyrir grunnskólabörn fer fram á bókasafninu og tóku 55 börn þátt að þessu sinni, en til að vera með lesa börnin bækur frá bókasafninu og síðan fer nafnið þeirra í lukkupott.

Allir fengu viðurkenningaskjal og verðlaun, og síðan fengu sjö heppnir þátttakendur sérstök verðlaun sem dregin voru úr lukkupottinum. Nokkur hefð er komin á sumarlesturinn og börnin dugleg að lesa, en sumarlesturinn er ekki keppni heldur fær hver að njóta sín á sínum forsendum.

Þetta er fjórða sumarið sem bókasafnið er með sumarlestur fyrir grunnskólabörn og þátttaka alltaf verið góð, margir taka þátt ár eftir ár.

Með því að taka þátt í sumarlestri lesa krakkarnir skemmtilegar og spennandi bækur og æfa sig í lestri.

Hvenær: 1. júní - 20. ágúst.

Hverjir: Allir grunnskólanemar í Ísafjarðarbæ.

Lokahátíð: 23. ágúst.

Hvernig: Börnin mæta á bókasafnið og skrá sig til leiks. Þá fá þau lestrarblað sem þau fylla út heima þegar þau eru búin að lesa bækurnar frá bókasafninu. Þegar bókunum er skilað fá börnin límmiða til að líma í bókina og fylla út seðil sem fer í lukkupottinn. Lestrarblaðinu skal skila á bókasafnið ekki seinna en 20. ágúst.

Kvikmyndir og kosningar — hvað eiga þær sameiginlegt?

Ekkert annað en að stundum voru kvikmyndasýningar á skemmtunum flokkanna hér í bænum og svo finnst sitthvað smálegt um hvoru tveggja á Skjalasafninu.

Á 1. og 2. hæð Gamlasjúkrahússins getur nú að líta auglýsingar um bíó og kosningar/stjórnmálafundi auk þess sem rifja má upp ýmsar bíómyndir sem sýndar voru hér fyrr á tíð með því að skoða prógröm.

Sýningin er opin á opnunartíma hússins, virka daga frá kl. 13-19 og laugardaga frá kl 13-16.

Katrín Ósk Einarsdóttir og Hafsteinn Már Sigurðsson

Börn á aldrinum 6-12 ára í almennings- og skólasöfnum landsins velja vinsælustu bækur sem voru gefnar út 2009, bæði þýddar og frumsamdar. Bækurnar sem urðu fyrir valinu að þessu sinni voru Núll núll 9 eftir Þorgrím Þráinsson og Stórskemmtilega stelpubókin eftir eftir Andrea J. Buchanan í þýðingu Höllu Sverrisdóttur. Bóksafnið á Ísafirði dró út tvenn bókaverðlaun fyrir þátttakendur á Ísafirði, og voru það þau Hafsteinn Már Sigurðsson og Katrín Ósk Einarsdóttir sem hlutu verðlaunin.