Í sumar verður sett upp sýning um brúðkaup fyrr og nú hér á Gamla sjúkrahúsinu. Af því tilefni leitum við eftir gömlum brúðarkjólum og öðru því sem tengist brúðkaupi. Eigir þú eitthvað slíkt í þínum fórum og villt lána okkur á sýninguna þætti okkur vænt um að heyra frá þér - hægt að hafa samband við Guðfinnu eða Jónu Símoníu á skjalasafn@isafjordur.is eða jona@isafjordur.is og í síma 450-8220.
17. maí 2013 | 10:32:16
Nýjar myndir á vef ljósmyndasafnsins
Nú er unnið við að setja inn myndir á vef safnsins http://myndasafn.isafjordur.is/. Að þessu sinni eru það ljósmyndir frá Magnúsi Jónssyni frá Skógi.
2. maí 2013 | 06:50:42
Sýningar fram til hausts
Gleðilegt sumar!
Það er margt á döfinni í húsinu í sumar. Nú stendur yfir sýning á verkum Guðmundar Viborg en um miðjan júní opnar sýning um brúðkaup sem stendur fram í ágúst.
Frá ágúst og fram í nóvember verður mikið líf í sal Listasafnsins því þá mæta á svæðið ungir listamenn sem samhliða sýningum verða með listasmiðjur. Annarsvegar er um að ræða hóp á vegum Muses (sjá muses.is) og hinsvegar þær Unnur Guðrún Óttarsdóttir og Dagrún Matthíasdóttir.
Um mánaðarmóti maí/júní verður einnig sýning á ljósmyndum frá hvalveiðistöðvum við Djúp í samvinnu við Vilborgu Arnarsdóttur.
Svo opnum við nýja heimasíðu á árinu í tilefni 10 ára afmæli hússins sem safnahúss.
Það verður því nóg um að vera á Gamla sjúkrahúsinu í allt sumar og haust!
18. apríl 2013 | 05:20:02
Sýningaropnun - Guðmundur Viborg Jónatansson
Laugardaginn 20. apríl verður opnuð sýning á verkum Guðmundar Viborg Jónatanssonar í sal Listasafns Ísafjarðar. Guðmundur var fæddur 1858 í Svansvík við Ísafjarðardjúp en flutti til Reykjavíkur um aldamótin 1900 og vann þar við gullsmíðar til dauðadags 1936. Eftir hann liggja ýmsir gripir og um 70 málverk. Hluti málverkanna verður til sýnins hjá Listasafninu og mun það vera í fyrsta sinn sem verk hans eru sýnd hér vestra. Sýningin opnar kl. 14 og eru allir velkomnir.
