Bangsavefur -> Bangsabækur

Barnabækur með böngsum í aðalhlutverki

Bangsar hafa lengi verið í miklu eftirlæti hjá barnabókahöfundum, íslenskum jafnt og erlendum. Vinsældir þeirra stafa eflaust af vingjarnlegu og hlýlegu útliti auk þess sem flestum börnum (og kannski einhverjum fullorðnum) finnst gott að kúra með leikfangabangsann sinn.

	Harðspjaldabækur um Bóbó bangsa og vini hans. Bóbó bangsi : hér á ég heima (2005) Bóbó bangsi fer í sveit (2003) Bóbó bangsi í leikskólanum (2003)
	Nokkrar útgáfur af ævintýrinu um Gullbrá og birnina þrjá eru til á íslensku, t.d. harðspjaldaútgáfa með glitrandi myndum frá 2005.
	Leyndarmál Húna litla (2005) Af því mér þykir svo vænt um þig (2004) Elsku mamma (2001) Höfundur: Guido van Genechten
	Söguhetjur þessara bóka eru Bessi, Benni, Bogga og Bagga bangsabörn sem lenda í ýmsum ævintýrum og kynnast allskonar dýrum. Bangsabörnin í Hellalandi (1965). Bangsabörnin (1964). Höfundur: Anna Brynjúlfsdóttir
	Paddington fæddist í Perú en var sendur einsamall til London og var ráfandi um Paddington lestarstöðina þegar Brown-fjölskyldan rakst á hann og tók hann í fóstur. Auk þessara þriggja bóka hafa verið gefnar út margar litlar myndabækur um Paddington. Paddington kemur til hjálpar (1973). Hér kemur Paddington (1972). Hrakfallabálkurinn Paddington (1971). Höfundur:Michael Bond
	Bækurnar fjalla um litla ísbjörninn sem lendir í mörgum ævintýrum og kynnist mörgum nýjum vinum. Alltaf verður hann þó jafn feginn þegar hann kemur heim til ísbjarnamömmu og ísbjarnapabba. Litli ísbjörn skildu mig ekki eftir einan! (2000). Lítill ísbjörn eignast vin (1992). Lítill ísbjörn lendir í ævintýrum (1989) . Lítill ísbjörn einn í vanda (1988). Höfundur: Hans de Beer
	Bækurnar um litla pandabjörninn sem kann ýmislegt fyrir sér eru ætlaðar yngstu lesendunum. Panda könnuður (1985). Panda læknir (1985). Panda töframaður (1985). Höfundur: Oda Taro
	Búddi Bangsabarn tekur upp á ýmsu og er duglegur að koma sér í vandræði. Höfundurinn hlaut æðstu barnabókaverðlaun Frakklands fyrir bækur sínar. Búddi Bangsabarn málar allan heiminn (1992). Búddi Bangsabarn óttalegt kjánaprik (1992). Búddi Bangsabarn skemmtir sér í skóla (1992). Búddi Bangsabarn, við skulum róa (1992). Höfundur: Grégoire Solotareff
	Rasmus er skemmtilegur og fjörugur björn. Það sem honum finnst skemmtilegast er að lenda í ævintýrum með vinum sínum Pingó, Pela, Skegg og öllum hinum. Rasmus er líka mikill sælkeri. Honum þykir plokkfiskur, hafragrautur og hunang góður matur, en það besta sem hann fær eru hnausþykkar pönnukökur með jarðarberjasultu. Höfundur: Carla Hansen
	Litli bangsi týnir besta vini sínum, Stóra bangsa. Hann reynir mikið að finna nýja vini og leggur ýmislegt á sig til að þóknast þeim. Er það rétta leiðin? Litli bangsi (2004) Höfundur: Illugi Jökulsson
	Bækurnar um Litla Björn og vin hans Stóra Björn. Litli Björn lærir að synda (2004). Alltaf verð ég vinur þinn (2003). Hver dagur með þér dásamlegur er! (2003). Höfundar: Moost og Schober
	Grábirnir, ísbirnir og pandabirnir. Allt um alvöru bangsa! Birnir og pöndur (2003) Höfundur: Michael Bright

Bangsi læknir (1956) eftir Herdísi Egilsdóttur Hún fjallar um Bangsa lækni sem kemur Dóra bangsa til hjálpar þegar eigandinn klippir óvart á hann gat með skærum mömmu sinnar. Sagan endar vel því Bangsi getur troðið ullinni inn í Dóra og saumað fyrir og eigandi Dóra lofar að hugsa betur um leikföngin sín. Litli skógarbjörninn (1992) eftir Illuga Jökulsson Hér er fjallað um einmana lítinn björn sem fer víða í leit að vináttu og félagsskap. Þegar leikföngin lifnuðu við (1988) eftir Enid Blyton. Sara og Jóhann voru farin að sofa og öll leikföngin voru lokuð inni í leikfangaskápnum. Eða það héldu þau að minnsta kosti ... Bangsi á afmæli (1989) eftir Enid Blyton. Benni bangsi var ekki vinsæll í leikherberginu því hin leikfögnin héldu að hann væri að stela sælgæti og kökum. Þau vissu ekki að hann var að undirbúa afmælið sitt og ætlaði að bjóða þeim öllum. Bangsi gamli (1987) eftir Jane Hissey. Bangsi gamli hafði hafnað uppi á háalofti fyrir löngu síðan. En hann á góða félaga sem gera allt til að bjarga honum þaðan. Bangsi litli (1957, 1979, 1984 og 2000) eftir Grete Janus og Mogens Hertz. Bók um litla brúna bangsann úr bókaflokknum Skemmtilegu smábarnabækurnar. Lilli klifurmús og hin dýrin í Hálsaskógi (1978 og 1992) eftir Thorbjörn Egner. Um samfélag dýranna í Hálsaskógi þar sem bangsafjölskyldan spilar stórt hlutverk. Svona er að vera ísbjarnarhúnn (1999) eftir Honor Head. Ísbjarnarhúninum er fylgt eftir þar sem hann ærslast í snjónum og lærir að þekkja umhverfið sitt. Auk þess er til fjöldi annarra bóka og sagna þar sem bangsar koma við sögu t.d. "Bókin með augun" sem eflaust hefur þótt nýstárleg þegar hún kom út 1956, enda með hreyfanleg auga sem lýsa í myrkri!

Á upphafssíðu Þessi síða var síðast uppfærð 4. október 2006.